昨晚，爸爸與信熙讀「小寶寶日日學」，有關於「與人分享天父愛每一個人」的信息。
之後，信熙與媽咪睡前的對話
熙：婆婆係咪唔識天父呀？
媽：係呀！點解咁問？
熙：天父好錫婆婆喎。
咁姨婆呢？
媽：都未呀。
熙：太婆係咪都唔識天父？
媽：係呀。
熙：舅父佢地呢？
媽：大細舅父母都認識天父，都有返教會架。
熙：係咪婆婆、太婆、姨婆、嫲嫲、公公都唔識天父？天父好鍚佢地喎。
媽：係啦，咁點好呢？
熙：明天見到婆婆、姨婆，要話俾佢地知天父好錫佢地囉。叫晒佢地一
齊返我間教會囉。
然後，兩母子為此禱告。
今天，信熙果然記得分別跟細姨婆和婆婆說：「天父好鍚你。返我間教會啦！」
還有，他與太婆通電話時，說：「天父好錫你，耶穌好錫你。返我間教會啦！」
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
很感動，真的很感動，很感恩！
記得數年前，有人跟熙媽說，有一個家庭的長輩不接受兒女向他們傳福音或祈禱，直到乖孫長大（約３、４歲），乖孫說要跟他們禱告，他們卻很受落。當時，心想：「係就好囉」~~~
今天，信熙作了一個福音大使，他直接地說：「天父好錫你」並邀請她們上教會。長輩們當然沒有責難乖孫，同時亦沒有答應跟他上教會，不過她們卻很高興呢！^^
天父，多謝你賜下兩個寶貝！這件事叫我反省自己在傳福音上的虧欠。
繼續為家人信主禱告﹠行動！！！