上星期日，熙爸爸已經開始勞動：晨早去排隊攞昂船洲解放軍軍營開放日入場劵。
今天，約了康康表舅父和禮軒家一起向軍營出發﹠暴曬！
看升旗禮、步操表演、反恐演習、槍械、裝甲車、戰機、戰艦．．．爸爸說下次要去石崗軍營！吓，那麼媽咪記得要幫全家搽防曬！
信熙最愛的環節是：步操表演。他懂得欣賞軍人很整齊的步伐，還懂得說比幼兒１班整齊得多呢！（總算有自知之名 ^_^）
「迷彩」
話說信熙的迷彩褲已經不合身了，小子很想穿「軍人褲」。前兩天，媽咪買了迷彩褲和帽子送給信熙，這個孩子一見到這份禮物，當然開心到不得了啦！嚷著要立即換上新裝呢！
他不忘跟媽咪說：「媽咪，有無軍人衫呀？你下次買俾我啦！」
「我的志願」
信熙竟然不敢拿槍械，要爸爸陪他，逗他，才勉強拍了數張照片。
上艦艇參觀，小子又變臉，「大浪」喎！？
參觀完畢，以下是兩母子的對話
媽：你仲做唔做軍人呀？
熙：做呀！
媽：但係你唔敢拿槍喎？
熙：我唔做揸槍嘅軍人。
媽：你又怕浪，上唔到船做海軍喎？
熙：我坐戰機嗰Ｄ軍人，穿藍色衫架！
媽：啊，原來你想做空軍。
熙：係呀！
最後，不得不代妹妹說：「這項親子暴曬活動不適合我參與，有得曬、無得瞓！下次唔好預我啦！」（妹妹曬黑了！）