由星期日晚開始，媽咪就被Monkey Yu氣瘋了，EQ低到極點，快要發生命案！
媽咪要將一些趣事和笑話記下來，希望可以藉此幫自己回復心情吧．．．
【語錄一：打屁股】
信熙企在單車上，十分危險，媽咪和姨婆好言相勸，他不理會，媽咪「數三」，他亦不理會。
媽咪頭上一把無名火，即抱他下來，然後打他屁股兩下。
他哭著說：「媽咪，可唔可以”hall”（意：鍚）番我？」
真係估你唔到，還以為你會說：「點解打我？」「好痛呀？」之類的說話。
【語錄二：坐校車】
前晚，你向媽咪提出想坐校車。
熙：媽咪，我就快升低班了，我想坐校車呀。
媽：坐校車，要俾錢架！
熙：係咪好貴？
媽：係呀，你返全日班的學費已經好貴，無錢坐校車啦！如果你返半日班，就夠錢可以坐校車。
熙：唔得喎，我要返全日班。
媽：咁就無得坐校車了。
熙：叫爸爸返工賺好多錢呀，賺兩萬幾蚊（＄），好無呀？
媽咪即場笑死咗，問：你點解會識「兩萬幾蚊」？
（熙的數學概念只是個位和十位，百位都可能會聽過．．．真奇怪他懂「萬位」？）
熙：係呀，睇電視新聞學架。（笑死人咩！）
仔呀，單是你的學費已經要$4xxx，如果爸爸賺得兩萬幾蚊，你真係休想讀全日班呀！
後來，媽咪將這段對話轉述給爸爸，爸問熙：「點解唔係媽咪返工賺錢呀？」 ^_^
【語錄三：批准】
前晚去平台看月光
因為盈盈扭眼瞓，媽咪想「縮沙」唔去，熙熙當然不放過媽咪啦！他又哭又鬧，說：「爸爸照顧妹妹，媽咪同我去。」
媽說了一個謊話，詐稱身體不適，肚仔唔舒服。（真不應該，俾個大「交叉」）
擾攘了５分鐘左右，妹妹也嚷著要去街街，而哥哥就繼續扭．．．好吧，一起去吧！
熙：婆婆，爸爸，我，妹妹一齊去平台。拜拜媽咪。
媽：係咪媽咪唔去呀？
熙：媽咪唔舒服。
說謊話的後果！
媽：婆婆要回家了，不陪你們到平台玩呀！我剛去完廁所，現在好多了，可以陪你們去平台。
熙：咁，你可以去．．．我就俾你去。
（阿媽出街都要個仔批准？）