星期一，熙熙看相薄，看到他跟莫老師的照片
便說：「我好掛住莫老師。」
「打電話俾莫老師，叫她來熙熙屋企玩呀！」
「約莫老師一起去農場玩呀！」
今天在 IC 蒙特梭利教室做了兩張串冷線手工，熙說：「一張送給譚老師，一張送給莫老師。」
這幾天，久不久就提莫老師，部份語錄如下：
「‧‧‧梁哲熙係譚老師嘅寶貝‧‧‧我係莫老師嘅寶貝」
「莫老師唔喺譚老師個課室，都唔喺鄭老師個課室，唔見到莫老師呀！可能喺第二個幼兒一班呀，嘻嘻！」
熙熙舉起左右手各４隻手指問媽媽：「咁樣係咪４加４呀？」
媽：「係呀，邊個教你架？」
熙：「莫老師教架？」
媽不信，熙便說：「係熙熙細個時，莫老師教架！」
熙更跟鄭老師說：「好掛住莫老師呀！想打電話俾莫老師！」
熙熙真係非常掛念莫老師呀！原來熙熙都有富人情味的一面，不是沒心肝鬼！
其實，媽咪都有掛念莫老師呀！據可靠人士告知，今個星期六某時到某地點，就可以見到莫老師，可惜，我們沒空呀！希望遲些有機會可以約見莫老師啦！
莫老師，祝你在新環境，工作愉快！^_^