有一晚，在回家途中，熙熙坐在車子裡跟爸媽說了一番窩心的話。
熙：「第日我大個，你地（爸媽）老咗，我會照顧你地架。我會買嘢俾你地．．．開車載你地去街．．．同你地食飯．．．」
嘩，sweet到漏呀！
媽：「你大個會結婚？你會住邊度？」
熙：「我結婚會同你地一齊住。」
爸媽二口同聲：「你千祈千祈千祈唔好同我地住。」
熙：「點解呀？？？」
爸媽：「結婚就唔洗同我地住啦！」
熙：「咁我可唔可以返嚟探你地？」
媽：「當然可以啦，你會有屋企鎖匙，你隨時都可以回來。」
熙聽後較安心，然後說：「咁你地會唔會好似嫲嫲咁，買玩具俾我（仔女）？」
爸媽：「我地唔會買玩具，只會買習作簿！」hahaha
媽：「邊個教你講這些說話：長大後，要照顧爸媽呀？」
熙：「係鍾老師教我地要關愛嘛！」
啊，原來如此！
多謝鍾老師的教導，令爸媽可以聽到這番（很難得的）窩心說話！
只是媽咪估不到妹妹．．．
媽：「妹妹，你長大後，會唔會照顧爸Ｂ媽咪呀？」
妹：「唔會。」=(