大概兩三個月前的某天，盈盈告訴媽咪某某女同學的家姐有錢！（她姊姊應該是小學生，所以有零用錢）那刻，媽咪才知道原來3歲人兒閒談的內容與我小時候真的很不同！！！
昨天，盈盈跟媽咪分享她的校園生活。
盈：我常常在課堂與同學們（由心、芷晴、子洋．．．）傾計。
媽：啊！上堂掛住傾計，咁咪唔留心聽老師說故事？
妹：嘻嘻嘻
．．．
媽：你地傾咩嘢呀！
盈：哈哈哈，我地傾傻瓜嘢呀！
媽：咁攪笑？傾咩傻瓜事？我想知呀，話我知啦！
盈：哈哈哈，我話俾佢地知媽咪尋日買咗新鞋囉！
吓？妹妹，你咁都得！媽咪買鞋都要話俾人知？３歲人兒話題真係幾「廣」！
今天，媽咪將這事告訴鄭主任，笑死她了，她又告訴媽咪一則笑料：
一名K3女生A告訴鄭主任：「女生B話佢媽咪好懶，尋日瞓咗一個鐘頭，無煮飯，佢咪自己玩、睇電視囉。」
聽完、笑完，心裡有點擔心．．．我家小姐很有potential 呀！媽咪要慎言慎行！小心小心！^^