既哥哥昨天告病假，今天兩兄妹妹齊齊告病假，在家休息。
早上醒來，兩兄妹吃過早餐，看看書、寫寫字、畫圖畫、沒有看電視，吵吵鬧鬧又一天，有伴真好！^^
妹妹從書架中找到「認識人體」，她說要看「男孩子、女孩子」那頁。
盈：媽咪，係咪大個結婚之後，就可以生ＢＢ？
媽：係呀！
盈：咁係咪讀完大學，先可以結婚同生ＢＢ呀？
媽：係呀！妹妹，你係咪好想生ＢＢ？
盈（笑著點頭回答）：係！
哥（很認真、亦很誇張的語氣，七情上面地說）：嘩，生ＢＢ會流好多血，好痛架！如果個ＢＢ無調頭，仲要開刀生ＢＢ，好痛，流好多血架！
WAKAKA笑死媽咪！
聽完哥哥七情上面的回答，盈妹妹的回應是：Ｏ咀．．．相信她只聽到哥哥說「好痛」和「流好多血」，她應該是不明白哥哥所說的「調頭」？「開刀」？
媽咪不禁問：「究竟孩子們的腦袋裝著什麼東西呢？」３歲人兒想生ＢＢ？５歲多的男孩就明白「生產之苦」？阿仔，你的太太應該會很幸福啊！