早上，熙熙有個約會，他說要穿黑色長袖裇衫，還要打領呔應約！
你這麼「看重」這約會簡直嚇了媽咪和婆婆一跳。
媽：大熱天穿長袖衫，唔好傻啦！穿短袖呀！
最後，熙熙穿了一件短袖裇衫、西褲和黑鞋，說：「我要去見工呀！」
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
先說說午睡前，兩婆孫的對話。
婆：你今日見工見咩呀？
熙：佢問的電腦有咩用囉。
婆：咁你識唔識答呀？
熙：識！咪用來send emails同人聯絡，又可以搵資料。
婆：係呀！
熙：佢部電腦好得意架，會飛埋嚟我到架。
婆：嘩，咁犀利。
熙：仲有叫我打字。
婆：咁你見唔見得成，請唔請你呀？
熙：請！１２月１日返工啦！
婆：咁禮軒考咩？
熙：我就考電腦，禮軒考機械人。
婆：你又唔同佢一齊考，你點知？
熙：考完出嚟，我問佢麻！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
究竟熙熙見什麼工？其實是小學面試 ^^
這是熙熙第二次參加小學面試，所以他大概知道面試是什麼一會事，與上一次的學校不同的是，這次的面試題目較為學術性。熙熙經過一小時的組別面試後，說：「很好玩！」又說：「題目好深呀！」
二千多名考生，只有百五個學額。不論面試結果如何，孩子們確實賺了一個很好經驗。在這個經驗中，熙熙能自信滿滿地跟媽咪說再見，面試後又愉快地跟媽咪離開，又再證明孩子長大了，也越來越獨立，「離巢」的日子又再近一些！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
熙熙與婆婆就見工的對話，統屬「吹水」之作！（笑死婆婆！）