信熙除了喜愛車、飛機、火箭，愛看Discovery Science, Discovery Turbo Channel 之外，也是一個小小「軍事家」FANS，總之有關軍隊的一切（軍人、戰機、坦克車、軍艦．．．），他都有興趣！他跟爸爸一樣愛看的月刋是「軍事家」，這是兩父子的共同興趣和話題。
５．１解放軍軍營開放，今早派門票，廿四孝爸爸０６３０起床，往沙頭角新圍軍營排隊，０７３０到達，排隊的人不算多，０９００已取到十張門票了。原來，到添馬艦排隊的人很多，有百幾人最終取不到門票呢！熙爸真明智，選擇到沙頭角！
信熙興奮極了，期待５．１可以見到軍人、軍艦．．．他願意放棄扭蛋（等咗兩個星期了），以兩張購物劵換一張參觀軍營入場劵呢！哈哈！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
媽：信熙，點解你唔同爸爸去排隊攞入場劵？
熙：因為我要瞓晏啲，先夠精神架！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
最近，信熙的志願是要當軍人。
熙：媽咪，軍人係咪好耐先可以返屋企架？
媽：係呀，咁你仲做唔做軍人？
熙：做（肯定地回答）
媽：好耐都唔可以返屋企，見唔到爸爸媽媽喎，你唔掛住我地咩？
熙以尷尬的笑容回應。即是「唔掛住」啦！（自討沒趣）