早兩星期買了一盒聖誕餅屋材料，熙熙常常嚷著要做，要與小朋友分享，可是聖還未到開聖誕派對的日子，我們只好放在一旁。
星期三晚，吃完晚飯，媽咪要陪妹妹睡覺了，而爸爸就準備跟信熙做曲奇餅（印模）。怎料，寶貝兒又嚷著要做聖誕屋。
父子檔就一起做的聖誕屋：
本來媽咪想罵你兩父子，學校聖誕聯歡會又未到，如果帶返教會，再過兩三天才做也未遲．．．不過，媽咪看出你倆很用心去做的，而且這個親子活動也不錯，媽咪就只好大讚你倆做得好啦！
之後，信熙不停嚷著要帶返學校與幼兒班的小朋友一起分享呀！第二天，回到學校，信熙就急不及待問鄭老師可否帶聖誕屋回校分享，當然可以啦！留待下星期的聖誕聯歡會吧。
今早信熙返教會，媽咪提議他帶這間聖誕屋與ＡＷＡＮＡ的小朋友分享，我們再做一個帶返學校。信熙一口拒絕，他說這間屋是要帶返學校的，他會帶自己做的曲奇返ＡＷＡＮＡ與小朋友分享！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
睡前對話：
做「聖誕屋」前兩個晚上
熙：媽媽鍚熙熙，爸爸鍚妹妹。
媽：爸爸鍚唔鍚熙熙？
熙：爸爸唔鍚熙熙。
媽：爸爸好愛錫你架，點解你話爸爸唔錫你呀？
熙：爸爸成日叫我入房。（熙發脾氣時，會叫佢入房冷靜。）
媽：你唔乖時，媽咪都有叫你入房冷靜喎，咁媽咪鍚唔鍚你呀？
熙：媽咪鍚熙熙。
做「聖誕屋」的晚上
媽：爸爸鍚唔鍚熙熙？
熙：鍚呀！
小孩子真的很簡單，很直接，也很坦白。短短三十分鐘的親子時間，可令信熙更感受到爸爸的愛呀！爸爸，加油！^_^