時間：下午放學回家後
媽：熙熙，小朋友病咗，你會為他們禱告，依家媽咪病咗，你有無為我祈禱呀？
熙只是尷尬地笑一笑．．．
晚上，睡覺前
熙：要祈禱呀！
「多謝天父．．．媽咪病咗．．．奉主名求，阿們。」
媽：熙熙呀，點解你多謝天父，媽咪病咗？！你好想媽咪病？
熙傻笑。
媽：傻瓜瓜
熙：我係大瓜瓜，媽咪係細瓜瓜。
接著，兩母子一起傻笑！
媽：今日在學校同邊個小朋友玩呀？
熙：程飛兒，歐陽朗喬，梁哲熙．．．
媽：梁哲熙是返全日？還是半日班？
熙：返半日，我成日都見唔到梁哲熙，會好掛住佢。
媽：你不如同梁哲熙講，問佢返全日班，好唔好？又或者，吃午飯時，問譚老師俾梁哲熙返全日班啦！
媽：好啦，瞓覺啦！
信熙再向天父禱告。
熙：「天父，媽咪病咗，唔該袮照顧媽咪，快Ｄ好番．．．好想梁哲熙返全日班，譚老師俾梁哲熙返全日班啦．．．多謝天父，爸爸送咗架台灣支彈火車俾我！」
媽咪聽到這個禱告很感動。媽抱著熙禱告：「多謝天父，賜我有兒子信熙和女兒信盈，兩個乖孩子。」