今早，信熙主動畫一張生日卡送給媽咪，第一次收到寶貝兒主動畫的一張卡，媽咪心都甜晒！
媽：多謝信熙。
媽：這是什麼？
熙：水上單車。
媽：這又是什麼？
熙：紅色跑車同埋「爆剪火車」呀！
媽：「爆剪火車」係咩嚟？
熙：喺美國有，行得好快，唔會出路軌架。
媽：原來係咁，真係好犀厲。
熙：係呀！
媽：多謝你！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
今年媽咪罕有地向爸爸提出要求，生日禮物想要一部ＭAC BOOK。上星期，禮物由速遞公司送到家
門，媽咪告訴信熙是爸爸送給媽咪的生日禮物，要立即打電話多謝爸爸。
電話接通後，信熙跟爸說：「有個哥哥送禮物給媽咪。」
（笑死咗！）
嘩，阿仔，你打小報告給爸爸！
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
爸爸早了數小時放工，到太子等媽和熙，媽開車送熙到太子ＭＯＮＴＥＳＳＯＲＩ課室。熙要爸爸送
他上課室，媽咪在車子等。
熙：熙熙好鍾意爸爸。
爸爸笑晒啦！
爸；咁媽咪呢？
蠱惑仔熙熙奸笑！
之後，在短短個半小時，爸媽爭取時間去拍拖，喫完ＴＥＡ，再行了一會書店，又夠鐘接放學了。
媽媽接熙熙放學，在課室門外等候時，聽到熙跟老師說：「爸爸接熙熙放學。」
見到熙，媽說：熙熙，不好意思呀，是媽媽接放學呀！
媽：媽咪接熙熙，開唔開心呀？
熙：唔開心。
（實在太ＨＵＲＴ，今日是媽咪牛一，阿仔完全唔俾面。之後的對話，媽咪心傷到全忘記了。）