信熙的好朋友ＨＡＲＵＮ和飛兒都看了ＷＡＬＬ﹣Ｅ，他們都分別告訴信熙ＷＡＬＬ﹣Ｅ好好睇，這幾天，信熙嚷著要看ＷＡＬＬ﹣Ｅ。昨天，媽咪終於答應他今天去看ＷＡＬＬ﹣Ｅ。
信熙一大清早起床，才６時多就走來跟媽咪說要約婆婆一起看ＷＡＬＬ﹣Ｅ。（媽咪要學聰明些，千萬別再在睡前答應你任何東西。）
充滿期待的信熙，入到戲院，開始有丁點兒緊張。先看了一段小白免與魔術師的卡通，信熙已經不停說：「我好驚呀！」（媽和婆覺得不知幾好笑，點解信熙會覺得好驚？？？）
ＷＡＬＬ﹣Ｅ開始啦！信熙也越來越不安，不是怕黑，不是怕大聲的音響，而是怕劇情．．．只聽到信熙說：「我好驚呀！仲未做完呀？」起初，拖實媽咪隻手，後來媽咪發現安靜的信熙原來眼角有淚水，立即抱信熙入懷中，支持了差不多一小時，信熙終於放聲大喊了！
媽咪抱信熙暫時離開，冷靜後的信熙說：「ＷＡＬＬ﹣Ｅ唔好睇，ＴＨＯＭＡＳ ＳＨＯＷ好好睇，下次帶埋飛兒一齊睇呀！」
～～～～～～～～～～～～～～～～～～～～～～～～～～～～～～～～～～
其實，很多卡通片信熙都驚的，話說有一天，信熙想看ＶＣＤ，媽咪由他自己選。
熙：媽咪，我揀唔到呀！
媽：咁多都揀唔到？！
兩母子一起在ＶＣＤ櫃左揀右揀。
媽：這隻ＴＨＯＭＡＳ都好好睇喎。（THOMAS THE GREAT DISCOVERYＴ冒險之旅)
熙：唔好睇呀，好驚。
媽：我覺得好好睇，上次睇ＴＨＯＭＡＳ ＳＨＯＷ時，你叫媽咪買嘅！？
熙：我無叫媽咪買呀！
媽：啊，媽咪記錯咗，係媽咪自己要買！
（這套戲，信熙很不容易才看過一次。）
媽：蟲蟲啦，好唔好呀？
熙：唔睇，係ＢＢ睇架。
熙：ＭＩＣＫＥＹ呀，不如睇呢個呀。
（這套係ＣＬＡＳＳＩＣ ＣＯＬＬＥＣＴＩＯＮ，信熙未睇過的。）
媽：好呀！
之後，媽咪入房照顧妹妹，過了一會，信熙走入房，說：「好驚呀，有件貨物撞過去呀！」
哈哈，原來係ＤＯＮＡＬＤ ＤＵＣＫ跌入魚缸，彈來彈去，有座琴撞向ＤＯＮＡＬＤ ＤＵＣＫ。
～～～～～～～～～～～～～～～～～～～～～～～～～～～～～～～～～
奇、奇、真奇怪，我們家的粗魯暴力仔竟然對一些不真實、「暴戾」、或是劇情緊湊的卡通片都幾抗拒？！在你的世界只有良善？
又要睇，又要驚！信熙都是較適合在家看影碟，看到不喜歡的情節，可以選擇ＦＡＳＴ－ＦＯＲＷＡＲＤ，或是自己行開吓！