十六天的奧運會，今天要閉幕了，真的有點點兒失落感！
晚上，三代同堂（婆婆，媽媽和熙熙）一起看閉幕禮。（爸爸去左邊？他與失散了二十多年的小學同學聚會呀！爸爸常說要多謝 FACEBOOK！）
在過去兩星期，每天都與信熙看比賽，媽媽看比賽看到嘴巴累呢！原因是信熙不停說話，不停問問題，媽媽就不停回答問題，真的很累！
看奧運，讓信熙認識了很多的運動項目。每次看完比賽，就拿著一本有關２００８北京奧運會的書：「當晶晶遇上晶晶」，嚷著要貼貼紙，記錄他已看過的比賽項目。
有一次，我們看跆拳道比賽，信熙第一次接觸這個項目，媽還擔心粗魯的兒子會學得更暴力呢。怎料．．．
熙：我唔鍾意跆拳呀！
媽：係呀，點解呢？
熙：唔鍾意打。
媽：咁你鍾意什麼項目？
熙：鍾意游水，係水入面打筋斗。同埋，鍾意吊住，轉轉轉嗰啲。
媽：單槓？
熙：唔係呀！係兩個圓圈，吊住嗰啲。
媽：係咪吊環？
熙：係吊環呀！我好鍾意吊環呀！熙熙大個，返小學，要學吊環呀！
這刻，爸媽不懂俾反應，只好答你：「哦，好呀！！！熙熙食多啲飯，長高些，大隻些，就可以學。」
有好幾次，看奧運比賽時，熙對婆說：「嘩，好叻呀！好犀利呀！佢哋練習咗好耐，細細個練架！」
無錯，奧運比賽的運動員付出了很多很多的努力，才有今天的成果，而且，還有更多更多的運動員都付出了很多很多很多努力，但都未能得獎，甚至未能參與這場比賽，雖然如此，他們都沒有放棄呀！
孩子們，爸媽不需要你們做 NO.1，只希望你們是一個努力，有目標，會發夢，有理想，不輕易放棄，不半途而廢的人。
「弟 兄 們 、 我 不 是 以 為 自 己 已 經 得 著 了 ． 我 只 有 一 件 事 、 就 是 忘 記 背 後 努 力 面 前 的 、向 著 標 竿 直 跑 、 要 得 神 在 基 督 耶 穌 裡 從 上 面 召 我 來 得 的 獎 賞 。」（腓 3:13-14）
～～～～～～～～～～～～～～～～～～～～～～～～～～～～～～～～～～～
爸爸問媽媽，如果有一天，仔／女對我們說要當全職運動員，我們會有什麼反應？
答：唔識俾反應喎！！！如果係咁，求主俾智慧我，到時給適當的反應吧！（嘻嘻！）