爸爸很想幫信熙攪３歲生日ｐａｒｔｙ，他說讓信熙開心下ｗｏｒ．加上，幼兒園在上兩星期的主題是寶寶的生日會，好啦，我們就開生日ｐａｒｔｙ啦！不過，爸媽都不想在麥記開，咁就自己攪啦！我們家的屋苑雖然沒有會所，但有一間會議室可以租用，早幾個星期，爸媽就開始預備這個生日會．
其實，下星期日才是信熙的生日．不過，生日後就放暑假，不用上學，見不到小朋友和老師，爸媽生怕信熙會有ｐａｒｔｙ後的失落感，所以都是提早開ｐａｒｔｙ好些．
信熙就給媽媽一個ｉｎｖｉｔａｔｉｏｎ ｌｉｓｔ．當中的一些有趣對話：
媽：你想請那些教會的小朋友仔呀？
熙：（差不多全部２－５歲的朋友仔都被點名．）
媽：嘩，好多人呀，夠啦！因為地方有限，不可以請太多小朋友呀！
熙：仲有，啟思的小朋友呀！
媽：咁，你想請邊個呀？
熙：（又是大部份班裡的小朋友都被點名．）
最後，媽咪就決定只請幾位比較熟稔的家長和小朋友們．
～～～～～～～～～～～～～～～～～～～～～～～～～～～～～～～～
熙：仲有莫老師呢？
媽：莫老師唔係小朋友呀．（雖然都好想請，但是想到老師難得的放假日，可以去下街，休息下，請了她，不來又不好意思．．．最後，我們都是沒有邀請老師了．）
熙：（笑著說）譚老師係小朋友呀！
媽：譚老師係哲熙（同學仔）媽咪呀！
～～～～～～～～～～～～～～～～～～～～～～～～～～～～～～～～
媽：Joshua都會來熙熙生日會．
熙：邊個呀？熙熙都無請！
媽：Windy姨姨個Joshua呀，很久沒見了，媽咪請了他們呀！
～～～～～～～～～～～～～～～～～～～～～～～～～～～～～～～～
媽：生日會有好多小朋友來呀！不過，生日會完了，小朋友就要回家，熙熙也要回家．（媽怕你興奮過後，會失落呀！）
熙：不如請小朋友來熙熙屋企玩呀！
媽：屋企細，又有好多玩具，無位呀，只可以請１個小朋友呀！
熙：請３個呀？
媽：３個小朋友，３個爸爸，３個媽媽，嘩，會有好多人呀！
熙好像明白的眼神望住媽咪．
～～～～～～～～～～～～～～～～～～～～～～～～～～～～～～～～
籌備這個生日會，印ＩＮＶＩＴＡＴＩＯＮ ＣＡＲＤＳ， 訂蛋糕，訂食物，買回禮禮物，買佈置的物品等等，真的很忙。
信熙也有份參與籌備過程！他就覺得很好玩呀！而爸爸就說：很辛苦呀！