早上的對話：
熙：媽媽買狗仔呀？
媽：買狗仔？屋企有玩具狗喎！
熙：唔係玩具呀，係真嗰ｄ呀！
媽：吓，真狗？點解你想要真狗呢？
熙：我要日日見到狗仔。
媽：你會照顧小狗嗎？
熙：會呀！（答得很認真呢！）
媽：如果帶咗狗仔番屋企，就唔可以唔要佢，唔可以唔理佢架。
熙熙點點頭回應。
媽：你唔可以去街街，留下小狗在屋企。
熙：一齊去公園，去玩滑梯呀！
媽：唔得呀，好多公園都不准狗仔進入，你只可以帶小狗到河邊散步。不可以去交通安全城，不可以去平台公園。。。
熙熙有點猶豫。
熙：媽媽買烏龜呀？
媽：你會唔會照顧烏龜架？
熙：會呀！（答得很認真呢！）
媽：你會唔會好大力，攃扁佢架？
熙：唔會呀！
媽：你問爸爸啦！
下午，到太子ＩＣ遊戲室上課，接放學後，熙熙不停對媽咪說：去買烏龜，去買烏龜。母子倆就去了行金魚街，熙熙非常興奮。等到爸爸放工後，吃了晚飯（熙熙吃得很快），就立即去買烏龜了。
媽：不如你幫烏龜改個名呀？
熙：（即時回答）叫妮妮 （福娃妮妮? 還是嚟嚟？烏龜嚟嚟？快Ｄ嚟？）
爸媽有點不忍心，畢竟今天是「ＰＯＴＥＮＴＩＡＬ殺生大行動的ＤＡＹ １」。
不過，養烏龜總比養小狗好！
～～～～～～～～～～～～～～～～～～～～～～～～～～～～～～～～～
上星期的某一天，回家時，在升降機遇見鄰居和她的大狗。熙和盈定睛看著那隻大狗。
媽：熙熙和盈盈都很喜歡狗仔呢！
熙：係呀！不如帶番屋企呀！
媽：不過，媽媽唔喜歡！
接著，媽問了一題自討沒趣的問題。
媽：屋企如果有狗仔，媽媽就會搬走。熙熙要媽媽，還是要狗仔呢？
熙答得非常肯定：要狗狗！
唉。。。你話，養仔呀！３歲人仔已經要狗都唔要媽，將來拍拖結婚更不用說了！